Избранные выписки из сочинений Дионисия Ареопагита в древнерусских сборниках

 

ГПНТБ СО РАН,  собр.  М.Н. Тихомирова № 397, сер. 15 в., лл. 296 об. - 301 об. Вопросо-ответная «редакция» корпуса сочинений Дионисия Ареопагита

Нумерация вопросов-ответов сделана для удобства. В рукописи она не представлена.

Дионисиа Арипагытскаго.

1. Аще ли  же  глаголет  «Аз  есмь сыи»,  достоино разумеваи безначалная и бесконечная, нъ и не испытная. Един бо Богъ весть, яже о нем художествене и истее, ведыи себе, якожеесть, прочим же всем несведом, сыи сам что есть. Никтож бо весть Отца,  точию Сын, и сына, точию Отець, и свой покланяемыи образ,  сиречь Сына,  вестьт же и  себе.  Тоже  исвятем Дусе,  никтоже  бо  весть яже Божиа,  разве Дух, иже от Бога.

2.  Что Божествное соединение и разделение? 

И сокровенная убо соединениа рече,  яже о Божестввьнем  существ непостижимыа разумы, существо бо само святыа Троица, что есть никтожу весть когда,  разделена же,  яже в составом покланяамая бытиа. Сиреч сына убо еже от Отца неизреченно сиание, святаго же Духа, еже от Отца неразумеваемо исхожение.

3. Как неведом и всеведом Богъ? 

Неведом - по существу, всеведом же, паки Богъ от любодаровныих промысл разумеваем, яко есть от содетелств: от всех убо яко Спас есть, от овых же, яко содетел есть.

4. Как когда убо сед,  когда же ли юн  пишется?  Ветх убо явися Богъ Данилу, белу имеа главу, якоже волну, поеже ветхыи деньми именоався.  Юнеиши седа старца,  егда, яко муж явися Аврааму со аггелы и юноша.

5. Знаменаи же,  что долгота и широта и  глубина  при Бозе. Неосяжимому  и безобразному Богу наложити убо широту божественю, достоить рещи преширокое на всех Божие пришествие, Долготу же - простертую во всех силу,  глубину же - еже всем сущим непостыжимое сокровенство и неразумение.

6. Что глаголет самобытие святыи Дионисеи?  Самобытие -  дарове  Божии,  Сыи,   Живот,   Свет,   Благость, Премудрость, Сила.

     7.Что именуется  не суще и почто едино начало сущих? Не суще в  Бозе  присносущная  разумениа суть Божиа.  И почто едино начало сущих  начало бо есть сущих существу Божии промысл? То ибо сиа в себе сущая произведе вон, сиречвоздания.

     8. И  что есть предвидениа и приказни?  Виды и приказни, еже  есть  разумение  самосовершено  приснсущно присносущаго Бога.

     9. Знаменаи, како глаголется упиватися Богу и отчесого. Пиянство не ино что подобает разумевати,  разве преисполнено по  вине,  происходимо  в  нем  всех  всех  благих безмерие.

     10. Кая  ради вины святыим венци вчинени  быша  писатися? Круг многиа в чювственыих образя  носит всех виновнаго Бога. И убо якоже круг ниже начало,  ниже убо  конец мнимыи имат.  Сице  убо  и  сеи  безначален  же  и  бесконеченсвященными богословци воспевается.  Сего убо  еже  у нас священное образописания преданние на честныих, иже святеи положиша образех о  священнообразныих  главах описовати подав  и  заповелев богоподражателное их и богоносное и  боговидное,  якоже  мощно  и  являемо,  Бози  бо священноименне сии,    обаче   именнаго   Божества глаголатися удостоены бышя.

     11. Како бози глаголются аггелы же общим именем и еголюбивыи человеци, поеже "Аз рех бози будете", обожение же есть, еже к Богу, якоже мощно уподобление, еже и соединение.  Питая умне и обожая всякого на то простирающагося, глаголем    убо,    яко   богоначалническое блаженство естеством Божество,  начало обожениа от него, еже      обожатися     обожаемым     благостию божественою.

     12. Како   подобает   разумети  место  при  Бозе? Глаголет бо Божественое писание: аще заповеди  моя соблюдает кто,  Аз  и Отець приидева и обител в нем сотворива". Тем же убо и умныа силы и святых душа и всех хранящих  заповеди место наричется убо в лепоту Божие и покоище.

     13. Что назнаменает недра Авраавля?  Недра ж  сут,  яко мня, божественых   патриарх   и   прочих  святых  всех божественеишая и блаженая  покоища, бо видныа приемлющая вся в тех не стареемое и блаженое совершение.

     14. Киа  глаголемыа  сут  вечери,  сиреч   пиры   в царствии небес? Являют же сиа обще некоторое и вкупомыслено святых  о  божественыих  благых  приобщение   и церковь первенець написанных на небесех и дуси праведных всеми благыми накончанныи и всех благих  исполненыи.

     15. Что еже во царстве небеснем возлежание? И възлежание покоищене пщуим многих трудов и жизнь невредную и жителство божествено во свете и стране живыих.

     16. Что начало священнодеиствиа заповедеи? Начало рече  и  пути  творение,  еже  к  Богу  усвоениа  и небеснаго наследиа, божественое крещение.

     17. Почто  еже  во  Христа  крещение,   яко   в смерть его крещаемся? Есть убо крещение в смерть Господня даемо. Вода же вместо погребениа, масло же вместо Духа Святаго,  назнаменаниие вместо креста, мироизвещание - исповедания.

     18. Почто  крестовидно и миро во крещении изливается? Тем же,  яко мня,  и  чистителному  крещннию  миро крестовидными пролитии  възливая,  священноначалник  в видение приводит  зрителныим  очесем,  даже  и  до   самыа смерти креста ради Исуса о нашем бо рожении сводима.

     19. Почто масла приятие при крещаемых  и  что  ради при усопших?  И  тогда убо масла помазание над священныа подвигы призывает совершаемаго, ныне же прилеваемо масло и являет  по тех же священыих подвигох страдавшаго и совершенаго усопшаго.

     20. Что назнаменует оглашенныих дунутие на дьавола? И бывшее ему   неподобьствиа   имство,   якоже   отдувающа Боговедную, противна сут злая, их же отмещется.

     21. Почто святаго убо служб сщеннодеиствиа три силы воспеты быша? Коя три силы священыих: от божственыих бо писании оцищаемся  и просветлемся  ко  священному  порожению, от   собрания   же   и   мира  служениа  художне совершаемся.

     22. Знаменаи,    что   есть   Мысль   хрестьянства? Подобает бо нам,  аще еже к тому  желаем  приобщениа,  в божественеишую его по плоти жизнь смотрити или еже к тому уподоблением священнаго безгрешенства на  боговидное и невредное имство стещи.  Сиу есть бо прикладне нам, еже к подобному приобщение дароватися имат.

     23. Како бо и откуду бывают именная  разумная имства? И яко и божествныих осиянии сподобися о сущиих в разуме и во еже к Богу частом воиспрь прострети,  от таковых бо осиянии обожает ум и во имстве бывает аггелскиа сладости и сущаго в них несмущениа и тишины.

     24. Знаменаи,  како движутся  небесная  окружне и праве и   лучичновидне.   И  двизатися  убо  божествении глаголятся умове окружне, убо  соединяемыи  безначалныим  и бесконечныим сианием  добра  и благаго.  Праве же - егда происходят в меншиих промысл,  права всем совершающе. Лучичновидне же - яко и промышляюще о менших,  неотходетелне пребывают в томжхдестве,  о иже тожества  виновном  добром  и благом непрестанно ликоствующе.

     25. Знаменаи,  како движет Богъ умныа силы и как мы осиаваемся. Человеци   убо   извон,   сииреч  от  здании видениа и словес учителскиих и иныих таковыих  истинны разум приемлят, аггелы самоя внутрь их разумною осиаваются силою и божественное назнаменают хотение,  рекше  воображаются ко богоподражателному  же и сущиих,  по еже суща сут разумному.

     26. Знаменаи,  что  еже многоножное и многоличное серафим. Изявляет   превысоких   умов    многошественыа    и многовиднныа видныа  силы  и  священнаго  их  благоговеинствиа его же имут премирне.

     27. И почто покрываются неции? О высоких, за еже покрывати ногы,  средних же ради умерениа являет. О высоких, за еже не простиратися выше меры в высокая.

     28. Знаменаи,  почто наричются  вси чинове аггелы. За еже обще  осиеватися  во  боговидное  и во светодание от Бога, аще и не подобне.

     29. Что перво небесныих существ удобрение, что среднее, что последне?  Елика убо сут и какова  пренебесныих существ удобрениа и како яже у них священноначалия совершаются и    единому    известне    видити, глаголя, божественому службоначалию.Аггел глаголется, понеже яже Божиа не же аггелом началствует, что бо есть херувим, что же серафим,  разве огнена.  К сим же и тем разумети своя силы же и осияниа,  и свое свящеенное и премерное благочиние немощно  бо  нам  видети и яже пренебесныих умов таинствиа и  святеишая  их  совершениа  человеком възвещает и архаггел глаголется повин, разве умножение разума и уста. Тем же  глаголет,  яко убо повшедшими чиновы,  коиждопервыи священноначалствует,  а не ина сила,  горнеиших  жесих удобрении  священноначалием  Бога  священноначалствует един, а не иная сила.

     30. Что  во небесныих священноначалие и яко служба есть небеснаго  священноначалия Божии по силе разум или имство?

     31 Знаменаи,  яко зде яве сказует, коеа ради вины чинове небесныих сил сице сут:  рекше,  убо высочаи быти, ов же среднии,  ов же последнии. Глаголет бо о горнем чину, иже есть престолы,   серафимы   и   херувимы,  яко  от самаго божественаго разума осиаваются,  за еже непосредстве начати  простиратися  и не имети еже предвареемо. Сице от службоначалия  самаго божественаго  оцищается и просвещается и совершается.

     32 Что  есть  чищение  и  каково  умных  бывает  от Бога? Еже  богоначалныа светлости и чистоты, якоже мощно приобщение.

     33.Что ради  о серафимех божественое петие взывает друг ко другу? За еже первыим возвещати ко вторым бож ественаго таинства.

     34. Почто от серафим  глаголет  оцищатися  пророк Исаиа? Знаменаи же, яко все Божии промысл проходит и яко и долнеиши аггел вкупоименне серафим глаголется  по приобщителном преде.  Вси  бо Божию осиянию приобщаются,  нъ по достоянию коегождо меры.  Яко не серафим бяше явивыися Исаии, нъ некои долнеиши аггел, о сеи бо славе подвижется.

     35.Что место на нем же стоа Богъ при Моисеи и что сут конечествиа, рекше  краинеа умныих и видимыих?  Умная же конечестваа небесная  и разумная  существиа,  яже при Бозе сущая наричет.  Их иже места его святеиша именова, их же и самех тех превосходит. Моисеи самому убо не сбеседует Богу зрит же не самого, незрим бо есть, нъ место, идеже стоаше.

     36. Зри како толкует речение глаголемо: "Боганикто же  виде  нигде  же".  Еже  истиннеише мню и ведя, яко сут писаническая речениа глаголющая, яко Бог явися человеком якоже пpи Адаме в pаи и пpи Авpаамли у дуба мавpийскаго и егда в Содом идяху и Мwисеовы на гоpе, аще и зданиа глаголется узpети и глаголеть, яко само то сокpовенное Божие, никто же виде, ниже узpети имат, еже есть существо его или высочайше, яко никто же pазумети или pещи может, или возмощи имут, что есть Богъ, аще ли же быша Богоявление некоим святым. Разумеи, яко по меpе кождо своеа веpы сподобляшеся некоего видениа, изъявляющаго ему Божество, его же pади осияние пpиимаше, иже вон пpиходящих Божественыих pазумении.

37 Видение оно глаголет, иже мня, на Фавоpе божественыи свет, иже явимся божествене, и иже в купине божественым огнь, нъ посpедствене бывшая света к огне во wбpазе являемая, пpямо силе зpящих.

38. Богоявлениа быти глаголеть, не pади еже Богу являтися и показаватися, еже что любо есть се бо немощно есть, нъ яко божественаго осияниа святыи сподобляются некыми священными виденмии себе по миpе сущими, их же аггелми быти глаголет. Сиаже божественая видениа славнии отци наши навыцаху посpедством небесных сил, яже убо высокая и таиная и неизpеченная от многих подобаеть хpанити, беседовати же и учити мощным и благопpиатныим.

            39 Что есть 4 аспиды на воздусе василисци подвижут? Василисци бесове, а 4 аспиды беcовстии князи.

            40 Что есть в человеци 12 месяць?

Есть убо в человеци 4 стихии, сиpечь кpовь и чеpвлена желчь и чеpмная и флегма, каяждо pастет тpи месяци. Кpовь pастет в весну 3 месяци, а чеpмная желчь pастет в жатву 3 месяци, а чеpмная желчь pастет в осень 3 месяци, а флегма, еже есть мокpота, pастет в зиму 3 месяци.

 

РНБ, Софийское собр. № 1489, 2-я пол. 16 века.

Полемическая подборка из  корпуса сочинений Дионисия Ареопагита

Имя протолковавшаго книгу Дионисиа Ареопагита с греческаго языка на словенски. Начало тому есть осморичное число, среда же двосотное и первое, конец же десятое с единем тогда накончаваетсяЛето же тогда течаше 6000-е и 800-е 79-е, индиктион 9-е: +

Греческии убо язык ово убо от Бога исперва художен и простран бысть, ово же убо и от различных по временех любомудрец ухищрен бысть. Нашь же словенский язык от Бога убо добре сътворен бысть, понеже вся, елика сътвори Бог зело добра, и оулишением любо учениа, любо чьстивых словам уже и хитрости, яко же он не удостоися.

Како верова великии Дионисие. Сущее.

И проповедавшему, яже в Господа нашего Исуса Христа веру и мертвых въскресение, и съборныи судия ту быти от нелюбомудрец и ведену быти на Ариев лед, и пред народом глаголавшу внезапу некиа уловити и к истине преложити свету наводит. И тако Павел изыде от среды их, неции мужие прилепишася ему веровавша, в них же бе и Дионисие Ареопагитскии и жена именем Дамарь и друзии с ними.

Ино толкование. Знаменаи, яко в дни святых апостол свободни и самовластни бяху афиняне и жителствоваху по своим их обычаю и судилище, еще бяше на Ариеве пагу. Ариев же паг от сего начяся звати, понеже якоже баснословят еллини – бог бяше Арис и другии бог Посидон. Сеи же Посидон имяше сына Алирофиона, его же уби Арис бог. Им же суди Афина, яже сказуется почтенна в разуме, на пагу, рекше на камени. И осужден бысть Арис о убийстве, и оттоле наречеся место то Ариев паг, еже рещи словенски – Ариев камык.

Сущее. Сия же и умениа Пифагорскаго явленне глаголющаго. Что бо есть Платон, разве Моиси афинствуя? Толкование. Афинствуа глаголеть – афински хитропиша Моисеов ум.

От главы 8-а о Господствех и Силах и Властех. Толкование. Знаменаи, яко сии суть троическии чини умных сил. Перваа троица – Престоли, та же – Херувимы, потом – Серафимы. Втораа троица – Господствиа, Силы, Власти. Третья троица – Начяла, Архангелы, Ангелы. Обще же именем вси аггели. Знаменаи, яко и Гавриил несть горнеиших сил, но менших; “+.

От главы 14. Что назнаменует преданное аггельское число. Толкование. Немощную меру нарече человеческое число прямо аггелех, рече бо ся некоим близнецем именем, иже слеп бе, 90 и 9 овчем убо быти аггелем, единую же погибшую – нас, человеки.

От главы 15 о ветре. Толкование. Знаменаи же, како сказует Дух, идеже хощет носимыи речми, еже есть, яко не удержим, яко скор, яко невидим. Сим и указает, яко не о Святем Дусе глаголет, но о ветре. Преносне рече от евангелия, еже тамо о святем Дусе, се зде о ветреном дусе глаголет да покажет и всем прикладное богоначального быти действия и ображениа и умных сил.”

Естественое лва ходя, опашию затирает своя следы, да не увидят и ловящеи его, тем же и о Бозе речено бысть: «В море путие твои истезяться в водах многах, и стопы твоя не познаются». Тако же естественное орловом раждаемых искреняа от таимичищных сице разделити: аще възрят отврьзеными очима к солнцю искреня суть, аще ли ни – таимичищнаа, измечутся от гнезда. Сице убо и иже не могии чисте на солнце правды възрети таимичищ тогова разума ообретается.

Яко подобает недомышляющомуся не стыдитися, но исповедати неразумение, а не яко случися отвещавати о них же не разуме.

 

Q.I.1013, XVII в.

Л.231.

Начертание от различных книг богословных снискательно от глубочайшего разума сокровеннаго богомудрых отець.

Дионисий Ареопагит (на поле)

В(опрос): Колико есть скоро англьское пошествие, когда от Бога посылаеми. Т(олкование): Толико есть скоро, якоже очнаго зрения быстрость не постигнет.

 

РНБ, ОСРК, O.I.303, XVII в.

 (л. 219) Дионисия Ареопагита от церковнаго священноначальства. Аще ли хощеши, да речем, что и вяще священнический фелонь образный обдержительный имать разум, якоже имать толкование, яко сего ради покрывает священника от горе до долу совершено в мирских неделание являа и что множае речем тои самыи па // (л. 219 об.) трахиль есть, яко же изга связана за выю отведоша на крест. Сице лепо есть быти священнику, но и шестое правило святых апостол глаголет: Яко епископ или презвитер или диякон мирская попечения да не восприемлет, аще ли ни – да извержется.

Того же. 29. Имат же сице таинство рукополагаемых еже убо к жертвенику приведение и подклонение назнаменует всем иже святительски совершаемым подлагати всяческии службоначалнику Богу свою жизнь и свое умное все чювьство и о священнопривождение, подобно же и яко возможно // (л. 220) достоино суще богоначального и всесвятаго священного жертовника освящающаго святительскии боговидныя умы. Крестовидное же знамение все вкупе плотских угодие недействование и богоподражательну жизнь взирающе неуклонно на богомужнюю Исусову божественеишую жизнь даже и до креста и смерти с мужеским безгрешием пришедша. И сия убо о священниках глаголет, потом же о иноцех. Знаменаи, яко по словеси отца не досоит образ иноческий епископу даяти, но точию прозвитеру.

Сущее. Крестовиднаго же образа знамение // (л. 220 об.), якоже преже нами реченно бысть, всех вкупе плотскых угодии недействование. Власом же пострижение являет чистую и невоображенную жизнь, но (должно быть – «не») ложными образы еже по уму зловидное лукавне удобреющу, но саму о себе нечеловеческими добротами, но единствеными и иноческими в боговиднеишее возводиму, и сия убо до зде паки и о пострижении власом в толковании деянии апостольскаго глаголет сия.

Сущее. Постриг главу в Кегреех. Имяще бо молитву. Толкование Аммония презвитера. Молитву, яже глаголет обещание бе, обещал бо ся бе отрезати // (л. 221) власы, да не к тому, яко мирянин мирская творит, но яко по Бозе живыи пребудет в церкви упражняяся, еже последовати апостолом и учеником. Иакима убо по обещанию отреза своя власы знаменати же есть, яко хотящеи якоже се благочестивне жити творяху сие. Тем же убо добре иночествующеи и правилно пострижут власы, не первие же сия творяху, но обычай бе древним июдеом се, яко же в 32 главизне обрящеши, и оно убо сенно образне. Мы же истиною // (л. 221 об.) дело творим мира отрезанием влас отрицающеся. Даже до зде о священничестве и иночестем жителстве въкратце разумети имамы обещание, еже обещавается Богови, паки же ино видение приложим зде, нужно убо и мнозем неведомо в предреченем слове святаго Дионисия от церковнаго священноначальства. Смотри убо на концы шестьдесятыя главизны и обрящеши, како ижепо плоти отцу на крещении предает отрока восприемнику, восприемник обещавается // (л. 222) наказывати отрока о добродетель совершеную и Божии благоугождение.

 

РНБ, О.I.351, XVIII  в. Сборник старообрядческий

Святаго Дионисия Ареопагита. Яко аще святитель паче воля Божия отлучит не последует ему божественыи суд. (л.224 об. – 225).

Этот отрывок встречается более, чем в 20 рукописях 15-19 вв.